ચૂંટણીનો પંચવર્ષિય ચાબૂક

   આજકાલ દેશમાં– ‘ભ્રષ્ટાચાર ખૂબ વધી ગયો છે’ એવી લોકો બુમરાણ મચાવી રહ્યા છે. (પણ લોકો કરતાં વિરોધપક્ષો એવી બુમરાણ વધુ મચાવી રહ્યા છે) સત્ય એ છે કે બન્ને પક્ષો ભ્રષ્ટાચારના ભંવરથી મુક્ત રહી શક્યાં નથી. (ખુદ પ્રજા પણ હાથવગો ભ્રષ્ટાચાર કરી છૂટે છે) સૌએ ખભેખભા મિલાવીને  ભ્રષ્ટાચારને ‘નાગરિકધર્મ’ બનાવી દીધો છે. પારધીની જાળમાં ફસાયેલા સેંકડો પક્ષીઓ સામૂહિક જોર લગાવી આખી જાળ લઈને ઊડી ગયા હતાં એવી વાર્તા બાળપણમાં વાંચી હતી. આજે આખો દેશ ભ્રષ્ટાચારની જાળ લઈને ઊડી રહ્યો છે.  ફરક માત્ર એટલો છે કે પક્ષીઓએ પોતાનો જીવ બચાવવા માટે તેમ કરવું પડ્યું હતું; જ્યારે લોકો એવું કરીને પોતાના પગ પર કૂહાડી મારી રહ્યા છે. આ કારણે એવી સ્થિતિ ઉદભવે છે કે ભાજપના ભ્રષ્ટાચારની કિંમત પરોક્ષ રીતે કોંગ્રેસે પણ ચૂકવવી પડે છે. જેમકે ચૂંટણીટાણે ભાજપે તેલિયા રાજાઓને કરોડો રૂપિયાનું ‘ચૂંટણીફંડ’ આપવું પડ્યું હોય તો સ્વાભાવિક જ વેપારીઓ તેલના એક ડબ્બે પાંચસો રૂપિયા વધારી દે છે. (સોનિયા ગાંધીનું તેલ ઇટાલીથી આવતું નથી. તેઓ બજારમાંથી જ તેલ ખરીદે છે. તેમણે પેલા વધારાના પાંચસો રુપિયા ભાજપના ભ્રષ્ટાચાર પેટે ચૂકવવા પડે છે) દોસ્તો, ‘કમળ’ના કપટની પીડામાં ‘પંજા’એ પણ પીડાવું પડતું હોય તો પ્રજા શી રીતે બચી શકે? ભ્રષ્ટાચાર કોંગ્રેસ કરે કે ભાજપ… પ્રજાએ ભ્રષ્ટાચારના ચાબૂકો માટે પોતાની પીઠો ફાળવવી જ પડે છે. દર પાંચ વર્ષે ચાબુક મારનારાઓ બદલાય છે આપણી પીઠો એજ રહે છે. સ્થિતિ એવી છે કે અયોધ્યાની ગાદી પર રામ આવે કે ભરત… મંથરા તો દાસીની દાસી! અને સત્તા ભાજપ સંભાળે કે કોંગ્રેસ પ્રજાના દિલમાં સદા ઉદાસી!’ ચૂંટણી એટલે પ્રજાના દુર્ભાગ્યને વધુ પાંચ વર્ષ માટે રિન્યૂ કરવાનો સરકારી કૅમ્પ…! દરેક સરકાર એવા કૅમ્પો યોજે છે. આપણે કોની સરકાર વડે દુ:ખી થવા માગીએ છીએ તેની પસંદગી કરવાનો આપણને હક આપવામાં આવે છે તેને આપણે લોકશાહી કહીએ છીએ.

dineshpanchal.249@gmail.com

dineshpanchalblog.wordpress.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s