ભક્તિ સાથે ભોગમાં માનતી એ સ્ત્રીઓને…

         કુદરતે સ્ત્રીઓને પોતાના શિયળની રક્ષા માટે કદાચ શક્તિ ઓછી આપી હશે પણ સમજણ જરૂર આપી છે. પોતાની સીક્થસેન્સ વડે સ્ત્રીઓ પુરૂષોની નજરમાં સળવળતા સાપોલિયાં તુરત પારખી જાય છે અને તોય તેઓ ફસાય એવું કેમ બને છે? પાખંડી સાધુબાવાઓ, સ્વામીઓ કે ગુરૂઓના સેક્સકૌભાંડોમાં સપડાયેલી સ્ત્રીઓની સંખ્યા આપણી આંખ પહોળી કરી દે એવી મોટી છે. સમાજના તમામ નારીસંગઠનોએ તટસ્થતાથી વિચારવું જોઈએ કે તાળી એક હાથે પડતી નથી. એવી અબૌદ્ધિક સ્ત્રીઓના પતિઓની લાપરવાહી તો અક્ષમ્ય ગણાય જ પણ સંતાનોવાળી પરિણિત ગૃહિણીઓ પણ બે ત્રણ વાર શિયળ લૂંટાઈ ત્યાં સુધી મૌન સેવે એ ઘટનામાં લુહારનો પણ વાંક છે અને લોઢાનો પણ વાંક છે. ઊંઘતાને જગાડવો સહેલો છે પણ જાગતો માણસ આંખો મીંચી રાખે તો તેની બનાવટી ઊંઘ આખા સમાજની ઊંઘ ઉડાડી દે છે. બળાત્કાર અને સંભોગ વચ્ચેનો તફાવત ડાંગના જંગલોની આદિવાસી સ્ત્રીઓ પણ સમજે છે. શહેરના વિકસિત વિસ્તારમાં રહેતી બૌદ્ધિક સ્ત્રીઓ એ કામકૌભાંડને મૂગી સંમતિ આપે છે અને પકડાઈ ગયા પછી પોલીસચૉકીમાં જૂઠાણુ ચલાવે છે: ‘મને ફસાવવામાં આવી છે. મારા પર બળાત્કાર થયો છે…!’આવા બિનપાયેદાર આક્ષેપો પર સમગ્ર નારી સમાજે ગંભીરતાથી વિચારવું જોઈએ. આજે આ લખાય છે ત્યારે અખબારોમાં એવા સમાચાર પ્રગટ્યા કે આસારામે એક નર્સને કહ્યું: ‘તું તો માખણ જેવી મુલાયમ છે…!’ આપણા કાયદાની કરૂણતા એ છે કે આવા હવસી બાબાઓ પકડાયા પછી પોલીસની નિગરાનીમાં હોય ત્યારે પણ તેમને કેદીના કપડાં પહેરાવવાને બદલે સાધુનો ગણવેશ પહેરવા દેવામાં આવે છે. વળી જેમની ચારિત્ર્યભ્રષ્ટતા પુરવાર થઈ ચૂકી છે તેમની હવસી નજર પોલીસની હાજરીમાં પણ સખણી ના રહે તે વાત કાયદાને ભલે ના ખટકે પણ આખા સમાજે એવી લાપરવાહી ચલાવી ન લેવી જોઈએ. કોઈ લંપટ સાધુબાવો સ્ત્રી સાથે આવી ગુસ્તાખી કરે ત્યારે નારી સંગઠનોએ પણ શા માટે ચૂપ બેસવું જોઈએ? દોસ્તો, જૂઠા ધરમકરમ અને ધાર્મિક કર્મકાંડોએ દેશની પત્તર ઝીંકી છે. નહીંતર વિચારો કે કોઈ પણ વ્યભિચારી સાધુ સ્ત્રીઓની ઈચ્છા વિરુદ્ધ તેમના દેહનો સ્પર્શ પણ કરી શકે ખરો? જે યુવતીએ આસારામ અને નારાયણ સાંઈ સામે બળાત્કારની ફરિયાદ નોંધાવી તે સ્ત્રીની હિંમતને જરૂર દાદ દઈએ પણ સાથે એ પણ જરૂર પૂછવું પડે છે કે– ‘બહેનજી…! તમારે ભક્તિ જ કરવી હતી તો પતિ સાથે મળીને ઘર આંગણે કરવી હતી તમે ત્યાં ગયા જ શું કામ??? મુશ્કેલી એ છે કે દેશની લાખો અંદ્ધશ્રદ્ધાળુ સ્ત્રીઓ આજે પણ આસારામ અને નારાયણ સાંઈને તેમના ભગવાન માને છે અને એવો બચાવ કરે છે કે અમારા ‘બાપુ’ એવા છે જ નહીં. વિરોધીઓ એમને બદનામ કરી રહ્યા છે!’ દોસ્તો, આપણી ધાર્મિક કમનસીબી અજરાઅમર છે. સમાજની બધી સ્ત્રીઓ એવી નથી હોતી પણ થોડીક ગંદી માછલીઓ આખા તળાવને ગંદુ કરે છે. ભક્તિ સાથે ભોગમાં માનતી એવી સ્ત્રીઓ જ્યાં જીવતી હોય તે સમાજમાં લંપટોનું ભવિષ્ય ઘણું ઉજળું છે.

dineshpanchal.249@gmail.com

dineshpanchalblog.wordpress.com

Advertisements

2 thoughts on “ભક્તિ સાથે ભોગમાં માનતી એ સ્ત્રીઓને…

  1. એક્દમ સાચી વાત કહી,સાહેબ. સ્ત્રીની ફરિયાદ શરુમાં જ કેમ ના આવી એ નવાઈ જેવું લગે જ છે!!!!

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s