પાખંડી સ્વામીઓ સામે સંતોનું ગુનાઈત મૌન

          થોડા સમયપૂર્વે આનંદજનક સમાચાર વાંચ્યા હતાં. પાકિસ્તાની આતંકવાદના વિરોધમાં ભારતના હજારો મુસ્લિમબંધુઓએ રેલી કાઢી હતી. ભારત પ્રત્યેની મુસ્લિમોની વફાદારીનું એ સુંદર સર્ટિફીકેટ હતું. અહીં થોડા પ્રશ્નો ઉપસ્થિત થાય છે. જેમ કે મુસ્લિમોએ આતંકવાદના વિરોધમાં રેલી કાઢી તે રીતે આપણાં સંતો અને કથાકારો ભેગાં મળી પાખંડી સ્વામીઓની વિરૂદ્ધમાં રેલી કેમ નથી કાઢતા? (તમે કથામાં રાવણની ભલે સેંકડો ટીકા કરો. પણ આજના રાવણો પ્રત્યે કેમ આંખ આડા કાન કરો છો?) છાસવારે જેમના કરોડોના કૌભાંડો અખબારોમાં છપાય છે તેમને પડકારવાનું ગજુ સાધારણ માણસનું નથી, પણ જેમને સૌ સન્માનપૂર્વક સાંભળે છે, એવા કથાકારો તેમનો વિરોધ કેમ નથી કરતા? એજ રીતે પત્નીની આસક્તિભરી ગુરુભક્તિનો વિરોધ પતિઓ કેમ નથી કરતા? એવી સ્ત્રીઓ બાપુની આરતી ઉતારે છે ત્યારે બાપુઓ તેનો વિરોધ કેમ નથી કરતા? સ્ત્રીઓની આ ઊડીને આંખે વળગે એવી મોટી ભૂલો બદલ નારીવાદી સંગઠનો તેમની ટીકા કેમ નથી કરતા? સ્વામી બની બેઠેલા હવસખોરોના ચરણોમાં આળોટતી મહિલાઓને તેમની ભૂલોનું ભાન સમાજના વડીલો કેમ નથી કરાવતા? કોઈ ચૂકતું નથી. બધાં લોકો જ્યાં ઊભા છે ત્યાંથી પોતાનાથી થાય તેટલી ભૂલો કરી છૂટે છે. સ્ત્રીઓએ ખાસ યાદ રાખવું પડશે કે મહિલાઓને સંસદમાં અનામત મળે તે કરતાં સમાજમાં તે સલામત રહે તે વધુ જરૂરી છે. સ્ત્રીઓની ભક્તિમાં જો સમજદારી ભળે તો તેમણે બાપુને ગુરૂ માનવાને બદલે મનમંદિરમાં બેઠેલા માહ્યલાને જ સાચો ગુરુ માનવો જોઈએ. સ્વામીઓ પાસે જવાને બદલે પોતાના કુટુંબ સાથે બેસીને ઘરમાં જ ભક્તિ કરવી જોઈએ. પરંતુ સમાજમાં પરંપરાગતતા વધુ અને બૌદ્ધિક્તા ઓછી છે. મતલબ આંધળી ધાર્મિક્તા વધારે અને વિવેકબુદ્ધિવાદી વિચારધારા ઓછી છે. એ કારણે થાય છે એવું કે ઘણી ધાર્મિક સ્ત્રીઓ પતિને હડધૂત કરે છે અને ઢોંગી બાવાઓના પગ પૂજે છે. આ હિમાલય જેવો દંભ સત્વરે છોડવો જોઈએ.

dineshpanchal.249@gmail.com

dineshpanchalblog.wordpress.com

Advertisements

2 thoughts on “પાખંડી સ્વામીઓ સામે સંતોનું ગુનાઈત મૌન

  1. ” સ્ત્રીઓએ ખાસ યાદ રાખવું પડશે કે મહિલાઓને સંસદમાં અનામત મળે તે કરતાં સમાજમાં તે સલામત રહે તે વધુ જરૂરી છે”.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s